دملا علي القاري الهروي – رحمه الله – جامعی د نوي علمي مرستیال د پېژندنې غونډه
نن د ملا علي قاري هروي – رحمه الله – ديني جامعه د یوې غونډې شاهده وه چې پکې د دې ادارې په علمي برخه کې نوې پاڼه پرانیستل شوه.
په پیل کې د مفتی عبدالوارث بسام – د پخواني علمي مرستیال – له مخلصانه او نه ستړې کېدونکو هڅو او خدمتونو څخه په درنښت او قدردانۍ یادونه وشوه؛ هغه شخصیت چې په اخلاص او ژمنتیا یې خپل دوه ارزښتناک کاله د جامعې د علمي پرمختګ په لار کې تېر کړل.
وروسته، په داسې فضا کې چې د درناوي او هیلو ډکه وه، مفتی عبدالهادي "الحامد" د جامعې د نوي علمي مرستیال په توګه معرفي کړل شول؛ هغه شخصیت چې تمه کېږي د خپلې پوهې او تجربې په مټ د جامعې په علمي او تعلیمي بهیر کې نوې فصل پرانیزي.
که څه هم د استادانو، کارکوونکو او فاضلانو زړونه د خپل محبوب استاد او دوست له بېلتون څخه خپه وو، خو په څنګ کې یې د روښانه سبا او نويو ګامونو په اړه خوښي او هیلې هم څپې وهلې.
د جامعې موظفینو همدارنګه د مفتی عبدالوارث بسام ته د مبارکۍ ترڅنګ، چې د ننګرهار ولایت د جامعه امام ابو حنیفه – رحمه الله – د رییس په توګه وګومارل شول، له لوی څښتن تعالی څخه دعا وکړه چې دواړه ستر شخصیتونه د دین او علم په خدمت کې بریالي او مؤید وګرځوي.
دغه غونډه د خیر په دعا پای ته ورسېده؛ هغه دعا چې د ژبو نه تلفظ شوه او د زړونو په ژورو کې کښیناست:
«ای خدايه! دغه بدلون او تحول د برکت، توفیق او لا ډېرې ودې سبب وګرځوه، د جامعې، د علم خاوندانو او د مسلمان امت لپاره».
